City me “një këmbë” në gjysmëfinale

22:51 | 11 Prill 2023
Orgesa Haziri

Manchester City e ka arritur një fitore shumë të rëndësishme në “Etihad Stadium”.

Pep Guardiola e mposhti ish-skuadrën e tij, Bayernin me rezultat të thellë 3:0, në kuadër të çerekfinales së Ligës së Kampionëve.

Rodri ishte ai që e zhbllokoi rezultatin me një super gol në pjesën e parë.

Bayern e filloi pjesën e dytë më të mirë, pasi Jamal Musiala detyroi një pritje të ulët nga Ederson.

Por, ishte Bernardo më vonë që dyfishoi epërsinë e Cityt ,pas një krosimi të mirë të Haaland.

Skuadra e Guardiolës siguroi edhe golin e tretë me anë të Haaland, i cili shënoi golin e tij të 45-të për këtë sezon.

City pati edhe mundësi të tjera, por ishte Sommner ai i cili i shpëtoi disa herë në 10 minutat e fundit.

Ndeshja e radhës zhvillohet më 19 prill në “Allianz Arena”./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm